أسعد الله أوقاتكم بكل خير
سأتحدث اليوم عن الكتب والأفلام التي شاهدتها مؤخرا، مع حرق لأحداث بعض الأفلام، لهذا ان لم تشاهدوها لا تقرأوا ما سأكتبه بعد صورة الفيلم.
التدوينة مزيج بين الفصحى والعامية.
الكتب:
الكتروني: قرأت كتاب حكايات وكتاب القط الشقي وهم جزأين للكاتب مارسيل ايميه، وهي عبارة عن قصص تعتبر ادب اطفال لكن فيها حكم وعبر وفلسفة عميقة، أحببتها.
الكتروني: بدأت بكتاب عساكر قوس قزح توصية من القارئ Othello لكتاب خال من الاباحية، وما زلت أقرأه، وهي من الأدب الأندونيسي.
ورقي: بدأت بقراءة كتاب طبائع الاستبداد ومصارع الاستعباد لـ عبدالرحمن الكواكبي، وصلت صفحة 220 من اصل 259، أقرأه ضمن قراءات نادي قهوة وكتاب، الكتاب رائع جدا، سأتبعه بمشاهدة برنامج خارج النص الذي يتناول بإحدى حلقاته عن الكتاب.
الأفلام:
The Stepfather
الفيلم بحكي عن شخص بصطاد النساء الي ترملوا، ما قدرت أتعاطف معه وافهم السبب الي يخليه يعمل هيك، الأساس في الفيلم هو ابن المرأة الي رح ينضحك عليها، بكل الاحوال الفيلم حارق للاعصاب، أعجبني لكن ما بنصح فيه.
28 Days
الفيلم بحكي عن وحدة انضمت لمركز اعادة تأهيل بسبب ادمانها على الكحول والمخدرات، بتحاول بأول المسلسل ما تنفذ الي بطلبوه منها، لكنها بعدين بتتجاوز الامر وبتتقبل فكرة انها تتعافى من الادمان، بسبب الاحداث الي بتحصل معها، وبطلع منها أشياء حلوة، الاشي الي مستفز ردة فعل الاشخاص الي كانت تعرفهم قبل ما تدخل مركز اعادة التأهيل، انهم رغم كل الي واجهته والمعاناة عشان تتخلص من الادمان ما حدا حاسس فيها، أعجبني.
The Mountain Between Us
فيلم مؤثر جدا، بحكي قصة واحد ووحدة بتسقط فيهم الطيارة على منطقة ثلجية، بعانوا مع بعض لحد ما يوصلوا بر الأمان، هم كانوا غرباء ما بعرفوا بعض، وبعد التجربة بوقعوا بغرام بعض، حبيته.
Ploey: you will never fly again
فيلم جميل، حبيته.
The Willoughbys
عيلة مجنونة، بس أسوأ من هيك أب وأم ما شفت، الفيلم جميل، حبيته.
The Change-up
فيلم جميل، ذكرني بسواليف المسلسلات الكورية، الفيلم تحشيش رسمي، اعجبني
The Wife
فيلم رائع جدا، مأخوذ عن رواية بنفس الاسم للكاتبة meg walitzer ما لقيته مترجم للاسف، اذا لقيت النسخة الانجليزية رح اشتريه، اعجبني جدا انصح فيه.
هاي الأفلام أغلبها حضرته على التلفزيون، فيلم واحد حضرته على نتفليكس، فيه قنوات زي fox وstar movies انصح فيهم بجيبوا افلام رائعة، وكمان قنوات bein movies hd
فكرة واحدة على ”بضعة أفلام وكتب ~“